Rosqvardiya əməkdaşları muzeydən oğurluğun qarşısını alıb
Bakı, 10 aprel, AZƏRTAC
Sankt-Peterburq şəhərində Rusiya Milli Qvardiya Qoşunlarının Federal Xidmətinin (Rosqvardiya) əməkdaşları “Rus muzeyi”ndən heykəlin oğurlanmasının qarşısını alıblar.
AZƏRTAC TASS agentliyinə istinadla xəbər verir ki, şübhəli şəxslər muzey eksponatını qarmaq vasitəsilə oğurlamağa cəhd göstəriblər.
Muzeyin hərbi mühafizəsi iki naməlum şəxsin körpüdən kəndirlə enərək heykəllərin olduğu yerə düşdüyünü görüb. Hadisə yerinə Rosqvardiyanın əməkdaşları çağırılıb. Məlumatda bildirilir ki, naməlum şəxslər saxlanılıb və hazırda polis tərəfindən dindirilir.
Bölmənin digər xəbərləri
