Rubl Rusiyaya qarşı sanksiyaların genişləndirilməsi fonunda zəifləməkdə davam edir
Moskva, 10 aprel, AZƏRTAC
Rusiya Mərkəzi Bankı aprelin 11-də dolların rəsmi məzənnəsini 62,3699 rubl səviyyəsində müəyyən edib. Bu isə əvvəlki göstəricidən 3,79 rubl çoxdur. Avronun rəsmi məzənnəsi isə 4,92 rubl artaraq 76,8522 rubla qalxıb.
AZƏRTAC xəbər verir ki, Rusiya rublunun dəyəri ABŞ-ın yeni anti-Rusiya sanksiyaları səbəbindən düşməyə başlayıb. Son bir neçə gündə rubl illik minimumu dəfələrlə yeniləyib.
Xatırladaq ki, aprelin 6-da ABŞ Maliyyə Nazirliyi Rusiyaya qarşı sanksiyaları genişləndirmək barədə qərar verib. Sanksiya siyahısına rusiyalı daha 24 iş adamının adı daxil edilib, bir neçə Rusiya şirkətinin, o cümlədən Rusiya və Kipr iş adamı, “Rusal” və “En+Group” şirkətlərinin prezidenti, “Bazovıy element” şirkətinin sahibi Oleq Deripaskonun 8 şirkəti düşüb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
