Rusiyada ötən il yeni doğulan uşaqların sayı 5,4 faiz azalıb
Moskva, 12 aprel, AZƏRTAC
2018-ci ildə Rusiyada 1 milyon 604 min uşaq doğulub. Bu, 2017-ci illə müqayisədə 90 min nəfər və ya 5,4 faiz azdır.
AZƏRTAC xəbər verir ki, bu barədə Rusiyanın əmək və sosial müdafiə naziri Maksim Topilin məlumat verib.
Nazir deyib ki, 2017-ci ildə əhalinin artımında təxminən 200 min nəfər azalma müşahidə olunurdu. Hökumətin vəziyyəti yaxşılaşdırmaq üçün hazırladığı demoqrafik paket 2018-ci ildə qüvvəyə minib. M.Topilin görülən tədbirlərin müsbət nəticələr verəcəyinə ümid etdiyini və hökumətin körpə dünyaya gətirən ailələrin sosial müdafiəsini gücləndirəcəyini bildirib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
