Rusiyanı “Eurovision 2019”da təmsil edəcək əsas iddiaçının adı məlum olub
Bakı, 17 yanvar, AZƏRTAC
Rusiyanı may ayında İsraildə keçiriləcək “Eurovision 2019” mahnı müsabiqəsində təmsil edəcək əsas iddiaçının adı açıqlanıb.
AZƏRTAC bu barədə TASS informasiya agentliyinə istinadla xəbər verir.
Məlumatda bildirilir ki, müğənni Sergey Lazarev Rusiyadan “Eurovision”da iştirak etmək üçün əsas iddiaçıdır, amma Birinci telekanal digər namizədləri də nəzərdən keçirir.
Qeyd edək ki, S.Lazarevin “Eurovision” iştirakı təsdiqlənərsə, bu, onun müsabiqədə ikinci iştirakı olacaq.
Xatırladaq ki, 2016-cı ildə Stokholmda Rusiyanı təmsil edən müğənni “You Are the Only One” mahnısı ilə üçüncü yeri qazanıb. Mahnının musiqisini Filip Kirkorov bəstələyib, habelə mahnı üzərində Böyük Britaniya və Yunanıstandan olan peşəkarlar çalışıblar.
Gənc yaşlarından müğənnilik karyerasına başlayan Sergey Lazarev həm də peşəkar aktyordur. O, ilk dəfə 2002-ci ildə “Romeo və Cülyetta” tamaşasında Romeo obrazını canlandırıb.
Bölmənin digər xəbərləri
