ELM VƏ TƏHSİL
Şagirdlərin BMU-ya ekskursiyası təşkil edilib
![](/files/galleryphoto/2024/2/1200x630/17180239644031512021_1200x630.jpg)
![](/files/galleryphoto/2024/2/1200x630/17180239646396051822_1200x630.jpg)
![](/files/galleryphoto/2024/2/1200x630/17180239641839037980_1200x630.jpg)
![](/files/galleryphoto/2024/2/1200x630/17180239642886419205_1200x630.jpg)
Xırdalan, 10 iyun, AZƏRTAC
Zirvə Liseyinin bir qrup şagirdi Bakı Mühəndislik Universitetində (BMU) ekskursiyada olub.
BMU-dan AZƏRTAC-a bildirilib ki, şagirdlərə universitetin zəngin maddi-texniki bazası, tədris olunan və bu il açılan yeni ixtisasları barədə məlumat verilib. Sonra məktəblilər BMU-nun laboratoriyalarını gəziblər. Onlar Biologiya laboratoriyasında mikroskopda hüceyrənin əsas bölünmə üsulları - “mitoz” və “meyoz”u əks etdirən slaydları əyani şəkildə izləyiblər. Universitetin Kimya-biologiya kafedrasının müəllimi Afaq Rzayeva şagirdləri laboratoriyanın iş prinsipi haqqında məlumatlandırıb.
Ekskursiya şagirdləri maraqlandıran sualların cavablandırılması ilə başa çatıb.