Şahzadə Harri gənclər üçün 1,1 milyon funt ianə edib
London, 9 sentyabr, AZƏRTAC
Sasseks hersoqu Şahzadə Harri şəxsi vəsaitindən 1,1 milyon funt sterlinq məbləğində ianə edərək zorakılıqdan zərər görmüş gənclərə dəstək göstərən BBC-nin “Children in Need” layihəsinə töhfə verib.
AZƏRTAC BBC-yə istinadla xəbər verir ki, Şahzadə Harri hazırda xeyriyyə tədbirlərində iştirak etmək üçün Böyük Britaniyada səfərdədir. O, Nottinqemdə yerləşən və “Children in Need” tərəfindən dəstəklənən “Community Recording Studio”ya baş çəkib.
Şahzadə Harri bildirib ki, bu ianənin məqsədi gənclərə təhlükəsiz məkanlar yaratmaq, etimad qurmaq, ümid və mənsubiyyət hissi aşılamaq istiqamətində missiyalarını davam etdirməyə imkan yaratmaqdır. O, həmçinin bıçaq cinayətləri və gənclər üçün müsbət imkanların artırılması kimi mövzular ətrafında təşkil olunan müzakirəyə qoşulub.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
