Sığorta sahəsində keçirilmiş attestasiyanın nəticələri açıqlanıb
Bakı, 12 avqust, AZƏRTAC
Sığorta sahəsi üzrə Azərbaycan Mərkəzi Bankında (AMB) attestasiyalar keçirilib.
AMB-dən AZƏRTAC-a bildirilib ki, nəticələrə əsasən attestasiyada iştirak edən 10 sığorta vasitəçisindən 4 nəfəri keçid balını toplayaraq attestasiyanı müvəffəqiyyətlə başa vurub.
“Sığorta sahəsində attestasiyanın təşkili və keçirilməsi” Qaydasının 4.6-cı bəndinə əsasən, attestasiyada iştirak edən şəxs 70 test tapşırığına düzgün cavab verdikdə attestasiyadan keçmiş hesab olunur.
Attestasiyaya buraxılmaq üçün şəxsiyyət vəsiqəsi təqdim edilməlidir.
Bölmənin digər xəbərləri
