SON BİR NEÇƏ AYDA SKİNXEDLƏR 40 NƏFƏRİ QƏTLƏ YETİRMİŞLƏR
AZƏRTAC-ın xüsusi müxbiri xəbər verir ki, 2007-ci ilin dekabr ayından 2008-ci ilin mart ayına qədər Rusiyanın iri şəhərlərində kortəbii hücumlar nəticəsində zahiri görkəmindən slavyanlara oxşamayan 40 nəfər qətlə yetirilmişdir. Bu məlumatı RF DİN-in Moskvadakı Ümumrusiya Elmi-Tədqiqat İnstitutunun baş elmi işçisi İqor Sundiyev elan etmişdir. Onun sözlərinə görə, belə faktların hər biri üzrə cinayət işləri qaldırılmışdır. Bu cür aksiyalarda 300-ə yaxın adamın iştirak etdiyi ehtimal olunur.
İ.Sundiyevin sözlərinə görə, belə hücumların iştirakçıları gələcək cinayətlərini internetdə müzakirə edirmişlər. Onlar əvvəlcədən şərtləşdikləri yerlərdə toplaşır, sonra isə rastlarına çıxan, zahiri görkəmindən slavyanlara oxşamayan vətəndaşlara hücum edirlərmiş. O qeyd etmişdir ki, bu cür hücumların iştirakçıları silahdan istifadə edir və bir qayda olaraq, bir-birini tanımırlar.
Bölmənin digər xəbərləri
