ELM VƏ TƏHSİL
“StudentFest 2022” silsilə tələbə düşərgəsi davam edir
![](/files/galleryphoto/2022/2/1200x630/16616853106415052562_1200x630.jpg)
![](/files/galleryphoto/2022/2/1200x630/16616853104977423187_1200x630.jpg)
![](/files/galleryphoto/2022/2/1200x630/1661685310458591582_1200x630.jpg)
![](/files/galleryphoto/2022/2/1200x630/1661685310465860766_1200x630.jpg)
![](/files/galleryphoto/2022/2/1200x630/16616853101561645499_1200x630.jpg)
![](/files/galleryphoto/2022/2/1200x630/16616853101198040779_1200x630.jpg)
![](/files/galleryphoto/2022/2/1200x630/16616853102201622943_1200x630.jpg)
![](/files/galleryphoto/2022/2/1200x630/16616853105321354478_1200x630.jpg)
![](/files/galleryphoto/2022/2/1200x630/16616853104083253306_1200x630.jpeg)
![](/files/galleryphoto/2022/2/1200x630/1661685310136174215_1200x630.jpg)
![](/files/galleryphoto/2022/2/1200x630/1661685310322362813_1200x630.jpg)
![](/files/galleryphoto/2022/2/1200x630/16616853103839229651_1200x630.jpg)
![](/files/galleryphoto/2022/2/1200x630/16616853101782337424_1200x630.jpg)
Bakı, 28 avqust, AZƏRTAC
Yay tətilinin son günlərini daha əyləncəli və maraqlı keçirmək məqsədilə “Bir Könüllü” Tələbələrin Əməkdaşlığı İctimai Birliyi tərəfindən Zuğulba tədris idman bazasında bütün ixtisaslar üzrə ali təhsil alan tələbələr üçün təşkil olunan “StudentFest 2022” adlı tələbə düşərgəsinin ikinci mərhələsi davam edir.
AZƏRTAC xəbər verir ki, açılış mərasimində iştirak edən elm və təhsil nazirinin müşaviri Elnur Nəsibov tələbələrdə yeniliklərə qarşı yaradıcı təfəkkür və açıq düşüncə tərzini formalaşdırmaq, yeni dostluqlar qazanmaq, eyni zamanda, asudə vaxtı daha səmərəli keçirmək baxımından faydalı olan bu tip düşərgələrin davamlı olmasını vurğulayıb.
Daha sonra Elm və Təhsil Nazirliyinin İnformasiya və vətəndaşlara xidmət şöbəsinin müdir müavini Səbuhi Rzayev nazirliyin dəstəyi ilə bundan öncəki dövrlərdə təşkil olunan tələbə düşərgələri haqqında ümumi məlumat verərək, tələbələri düşərgəboyu fəallıq nümayiş etdirməyə və yeni biliklər əldə etməyə çağırıb.
Düşərgədə iki gün ərzində Bakı Mühəndislik Universitetinin müəllimi Tahirə Salayeva, Elm və Təhsil Nazirliyinin Beynəlxalq Əməkdaşlıq şöbəsinin əməkdaşları Niftalı Qasımlı və Elçin Hüseynov, Dövlət Məşğulluq Agentliyinin Karyera planlaması şöbəsinin müdiri Əli Qurbanlı, Antiinhisar və İstehlak Bazarına Nəzarət Dövlət Xidmətinin şöbə müdiri, “Yüksəliş” müsabiqəsinin qalibi Xamis Seyranov, Elm və Təhsil Nazirliyinin elm, ali və orta ixtisas təhsil şöbəsinin sektor müdiri Turxan Süleymanovun təqdimatında müxtəlif mövzularda informativ sessiyalar təşkil olunub.
Layihə çərçivəsində Təhsil İdman Mərkəzinin məşqçi-müəllimlərinin və idman mütəxəssislərinin dəstəyi ilə müxtəlif idman yarışları və tələbələr üçün digər əyləncəli proqramlar təşkil edilir.
Növbəti günlərdə Fövqəladə Hallar Nazirliyinin (FHN) Xüsusi Riskli Xilasetmə Xidmətinin əməkdaşları tərəfindən tələbələrə faydalı praktik məşğələlər keçirilib.
Həmçinin tələbələrin asudə vaxtlarının daha səmərəli və produktiv keçirilməsi məqsədilə “Nə? Harada? Nə zaman?” və “Brain-ring” formatlarında oyunlar, musiqili proqramlar da təşkil olunub.