Sumqayıtda piyadanın vurulması ilə nəticələnən yol-nəqliyyat hadisəsi baş verib
Sumqayıt, 11 aprel, AZƏRTAC
Sumqayıtda yol-nəqliyyat hadisəsi baş verib. İnsident şəhərin girişində qeydə alınıb.
Sumqayıt Polis İdarəsindən AZƏRTAC -a bildirilib ki, "Hyundai Accent" markalı minik avtomobili yolu keçmək istəyən şəhər sakini, 1996-cı il təvəllüdlü Cəfərova Zeynəb Möhlət qızını vurub.
Qəza nəticəsində xəsarət alan Z. Cəfərova sağ bud sümüyünün qapalı sınığı diaqnozu ilə Sumqayıt Təcili Tibbi Yardım Xəstəxanasına yerləşdirilib.
Faktla bağlı araşdırma aparılır.
Bölmənin digər xəbərləri
