SUMQAYITLI ŞAİRİN YUBİLEYİ
AZƏRTAC xəbər verir ki, Sumqayıt ictimaiyyəti şəhərin mədəniyyət işçiləri həmkarlar ittifaqının sədri, şair Əşrəf Şəfiyevin (Veysəllinin) 70 illik yubileyini qeyd etmişdir. Bu münasibətlə Bülbül adına uşaq incəsənət məktəbinin konsert salonunda yubiley gecəsi keçirilmişdir.
Tədbir Xəlil Rza Ulutürkün Əşrəf Veysəlliyə poetik ithafının oxunuşu ilə başlanmış, gecənin aparıcısı, filologiya elmləri doktoru, əməkdar mədəniyyət işçisi Rafiq Yusifoğlu şairin həyat və yaradıcılıq yolu haqqında danışmışdır.
Sumqayıt İcra Hakimiyyətinin başçısı Vaqif Əliyev, həmyerliləri adından Füzuli Rayon İcra Hakimiyyətinin başçısı Nəbi Muxtarov, Mədəniyyət İşçiləri Həmkarlar İttifaqı Respublika Komitəsinin sədri Cəmilə Səttarova, əməkdar müəllim Minarə Tahirova, şəhər mədəniyyət şöbəsinin rəisi Namiq Qafarov, həmçinin şair dostları yubilyarı təbrik etmişlər.
Gecədə Vətən sevgisi ilə aşıb-daşan, doğma təbiətin təkrarolunmaz gözəlliyini tərənnüm edən şeirlər və şairin sözlərinə yazılmış mahnılar səslənmişdir.
Bölmənin digər xəbərləri
