“Tiangon-1” kosmik stansiyası atmosferə daxil olub
Pekin, 2 aprel, AZƏRTAC
Çinin fəaliyyətini başa vuran “Tiangong-1” ilk kosmik stansiyası Pekin vaxtı ilə səhər 8:15-də (Bakı vaxtı ilə 4:15) Yerin atmosferinə daxil olub.
AZƏRTAC Pekin Kosmik Nəzarət Mərkəzinə istinadla xəbər verir ki, Sakit okeanın cənub hissəsi üzərində yerə düşən “Tiangong-1”in əsas hissəsi atmosferdə yanaraq məhv olub.
Qeyd edək ki, 2011-ci il sentyabrın 29-da kosmosa göndərilən 8 tonluq “Tiangong-1” kosmik laboratoriyası öz missiyasını 2016-cı ilin martında başa çatdırıb. Fəaliyyət dövründə “Shenzhou-8”, “Shenzhou-9” və “Shenzhou-10” kosmik gəmiləri ilə birləşən “Tiangong-1” bir çox vacib tapşırıqları yerinə yetirib.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
