DÜNYA
Türkiyə XİN: Anadolu Agentliyinin Qahirə bürosunun həbs olunan əməkdaşları dərhal azadlığa buraxılmalıdır
Ankara, 15 yanvar, AZƏRTAC
Misir təhlükəsizlik qüvvələri tərəfindən Anadolu Agentliyinin Qahirə ofisinə hücum edilməsi və əməkdaşların bəzilərinin əsassız şəkildə həbs edilməsi Türkiyə mətbuatına qarşı təcavüz hərəkətidir və bunu kəskin şəkildə qınayırıq.
AZƏRTAC xəbər verir ki, bu fikir Türkiyə Xarici İşlər Nazirliyinin açıqlamasında yer alıb. Açıqlamada bildirilir ki, Anadolu Agentliyinə qarşı bu yolverilməz hərəkət təkcə mətbuat azadlığına deyil, demokratik prinsiplərə ziddir. Söz və mətbuat azadlığına həssas olan Qərb ölkələri bu hadisəyə göz yummamalıdır. XİN ümid edir ki, həbs olunan əməkdaşlar dərhal azadlığa buraxılacaqlar.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
