Karib dənizində “Beril” qasırğasının sürəti ən yüksək həddə çatıb
Vaşinqton, 1 iyul, AZƏRTAC
Atlantik okeanında qeydə alınmış “Beril” qasırğası təhlükəli həddə çatıb.
AZƏRTAC-ın məlumatına görə, bu barədə ABŞ Qasırğa Mərkəzi məlumat yayıb.
Məlumata əsasən, küləyin sürəti saniyədə 59 metrə çatıb. Bu, Saffir-Simpson Qasırğa Şkalasına əsasən onun 4-cü kateqoriyaya yüksəldiyini və qasırğanın maksimum həddə çatdığını göstərir. “Beril” qasırğası iyun ayında baş verən ilk qasırğa kimi qeydə alınıb.
Karib dənizində yerləşən adaları əhatə edən qasırğanın bazar ertəsi Barbados adasına çatacağı ehtimal edilir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
