Türkiyəli şəhid diplomat Ankarada dəfn olunub
Ankara, 19 iyul, AZƏRTAC
Türkiyənin İraqın Ərbil şəhərindəki Baş Konsulluğunda xidmət edən 38 yaşlı şəhid diplomat Osman Köse Ankarada dəfn olunub.
AZƏRTAC xəbər verir ki, cənazə namazında və dəfndə nazirlər, Türkiyə hökumətinin vəzifəli şəxsləri, generallar, deputatlar, siyasi partiya rəhbərləri, ölkə ictimaiyyətinin görkəmli şəxsləri iştirak ediblər.
Qeyd edək ki, Osman Köse iyulun 17-də Ərbildə yemək vaxtı silahlı şəxslər tərəfindən qətlə yetirilib. İlkin məlumatda görə, planlı şəkildə həyata keçirilən qətldə 4 nəfər iştirak edib. İraq hökumətinin açıqlamasına görə, cinayətkarların tapılması üçün əməliyyat-axtarış işləri davam edir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
