TÜRKPA-nın Baş katibi: Türk dünyasının birliyi böyük əhəmiyyət kəsb edir
Bakı, 15 sentyabr, Elmir Səftərov, AZƏRTAC
Bu gün çox əhəmiyyətli bir tarixi qeyd edirik. Çünki sentyabrın 15-də Nuru Paşanın rəhbərliyi ilə Qafqaz İslam Ordusu Bakını erməni-daşnak dəstələrindən azad edib.
AZƏRTAC xəbər verir ki, bunu Türkdilli Ölkələrin Parlament Assambleyasının (TÜRKPA) Baş katibi Mehmet Süreyya Er Bakının azad edilməsinin 104-cü ildönümü münasibətilə keçirilən tədbirdə söyləyib.
Müştərək tariximizin qürurlu hədislərlə zəngin olduğunu bildirən Baş katib deyib: “Türk dövlətləri dünyada böyük gücə sahibdirlər. Onlar bir-birinə dəstək verərsə, böyük güc formalaşdıra bilərlər. Hazırda türk dünyasının birliyi böyük əhəmiyyət kəsb edir”.
Mehmet Süreyya Er diqqətə çatdırıb ki, hazırda daha çox Türkiyə-Azərbaycan əməkdaşlığı gündəmdədir. İstərdik ki, digər türk dövlətləri də bu birliyə daxil olsun.
Bölmənin digər xəbərləri
