Ulu Öndərin misilsiz xidmətləri və əziz xatirəsi heç vaxt unudulmayacaq
Bakı, 10 may, AZƏRTAC
Bu gün dünya şöhrətli şəxsiyyət, dahi rəhbər ümummilli lider Heydər Əliyevin anadan olmasının 95 illiyidir. Xalqımız xilaskarının doğum gününü bayram edir. İnsanlar Fəxri Xiyabana axın edir. Hər kəs Ulu Öndərin qarşısında öz borcunu yerinə yetirmək istəyir. Onun vətən, xalq üçün misilsiz xidmətləri və əziz xatirəsi heç zaman unudulmayacaq.
Bu sözləri AZƏRTAC-a mayın 10-da ulu öndər Heydər Əliyevin xatirəsini yad etmək üçün Fəxri xiyabana gələn “Mərhəmət elçisi” jurnalının təsisçi direktoru Tahirə İsmayılova deyib.
O, Ulu Öndərin davamçısı Prezident İlham Əliyevin uğurlu siyasəti nəticəsində Azərbaycan xalqını işıqlı gələcəyin gözlədiyini və vətənimizin dünyanın ən öndəgedən ölkələri sırasında yer aldığını qeyd edib.
Bölmənin digər xəbərləri
