Vışeqrad qrupu ölkələrinin XİN rəhbərləri V4 hüdudlarından kənarda görüşüblər
Budapeşt, 2 aprel, AZƏRTAC
Vışeqrad qrupuna daxil olan dövlətlərin xarici siyasət qurumları rəhbərlərinin növbəti görüşü bu həftə üzv ölkələrin hüdudlarından kənarda baş tutub. Bu dəfə diplomatları Litvanın Baltik dənizinin sahilində yerləşən kurort şəhərciyi - Palanqa qəbul edib. Buna səbəb görüşdə Baltik və Şimali Avropa ölkələrinin XİN rəhbərlərinin V4 formatı üçün ənənəvi olmayan iştirakı olub.
AZƏRTAC xəbər verir ki, görüşdə kibertəhlükəsizlik məsələləri, Aİ-yə üzv ölkələrin Çin, Ukrayna, Rusiya Federasiyası ilə qarşılıqlı fəaliyyəti, həmçinin “Şərq tərəfdaşlığı” proqramı məsələləri müzakirə edilib. Afrika və Asiya ölkələrindən Avropaya miqrasiya məsələsi də mövzulardan biri olub. İqlim məsələləri də gündəlikdə duran öncül məsələlərdən idi.
Nazirlər çıxışlarında insan hüquqlarına və dövlətlərin suverenliyinə riayət olunmasının zəruriliyini xüsusi qeyd ediblər.
Bölmənin digər xəbərləri
