VLADİSLAV ŞVETSOV: HEYDƏR ƏLİYEVİN AİLƏSİNDƏ TƏRBİYƏ ALMIŞ İNSAN ÖZ XALQINA FAYDA GƏTİRƏCƏKDİR
Həmvətənimiz, Azərbaycan daxili işlər nazirinin keçmiş müavini, hazırda Rusiya Dövlət Duması Konstitusiya Qanunvericiliyi və Dövlət Quruculuğu Komitəsində təmsil olunmuş deputatının köməkçisi Vladislav Şvetsov AZƏRTAC-ın xüsusi müxbirinə eksklüziv müsahibəsində demişdir: "Heydər Əliyevin ailəsində tərbiyə almış insan, heç şübhəsiz, öz xalqına və ölkəsinə yalnız fayda gətirəcəkdir və gətirir də. Azərbaycan yüksəlişdədir, doğru yoldadır, sürətlə inkişaf edir. Bunu statistika və çox yaxşı iqtisadi göstəricilər təsdiq edir. İş gedir, ölkə öz mövqelərini günbəgün möhkəmləndirir. Statistikanı yaxşı oxumağı bacaran şəxs Azərbaycanın uğurlarını düzgün təhlil edə bilər.
Heydər Əliyev kimi şəxsiyyət Azərbaycanda yoxdur, olmamışdır və olmayacaqdır. O, qabaqcadan vəziyyəti qiymətləndirməyi bacaran böyük və uzaqgörən siyasətçi idi ki, ölkənin əsası onun tərəfindən qoyulmuş inkişafı bunu təsdiq edir. Azərbaycan adlı gəminin sükanı bu gün Heydər Əliyevin oğlu İlham Əliyevin əlindədir və o, respublikanı tərəqqiyə və inkişafa doğru aparır”.
V.Şvetsov qeyd etmişdir ki, SSRİ DİN-də işləmək üçün 1988-ci ildə tərk etdiyi Azərbaycanda baş verənlərlə həmişə yaxından maraqlanır. Onun sözlərinə görə, Heydər Əliyev Fondunun RF-dəki nümayəndəliyinin başçısı Leyla Əliyevanın nəşr etdirdiyi “Baku” jurnalından xeyli maraqlı informasiya əldə edir.
Vladislav Şvetsov sonda demişdir: “Xüsusi vurğulamaq istəyirəm ki, Azərbaycan mənim vətənimdir. Mən burada doğulub boya-başa çatmışam, bu gözəl ölkənin çörəyini yeyib, suyunu içmişəm və həmişə deyirəm: qoy, bərəkətli Azərbaycan torpağı əbədi çiçəklənsin”.
Bölmənin digər xəbərləri
