Vyanada Azərbaycan muğamları səsləndirilib
Vyana, 7 may, AZƏRTAC
Vyanada “Theater Akzent” mədəniyyət evində Azərbaycan muğamlarından ibarət konsert axşamı təşkil olunub.
AZƏRTAC xəbər verir ki, “Könül” instrumental ansamblının müşayiəti ilə keçirilən konsertdə Xalq artistləri Aygün Bayramova, Nəzakət Teymurova və tanınmış xanəndə Fərəməz Gərmrudi çıxış ediblər.
“Fərhəng” incəsənət və mədəniyyət təşkilatının dəstəyi ilə baş tutan konsertdə Azərbaycan muğamları və xalq mahnıları, instrumental muğamlar səsləndirilib.
Konsertdə xanəndələri “Könül” instrumental ansamblının üzvləri - Əməkdar artistlər Əliağa Sədiyev (tar), Elşən Mənsurov (kamança), Şirzad Fətəliyev (balaban, tütək, zurna) və Kamran Kərimov (nağara), həmçinin Fərid Babayev (bəm kamança), Qalib Haşımov (bəm tar), Hüsaməddin Əzizov (bəm nağara) müşayiət ediblər.
Elgün Niftəli
AZƏRTAC-ın xüsusi müxbiri
Vyana
Bölmənin digər xəbərləri
