YAP ASTARA RAYON TƏŞKİLATININ NÖVBƏDƏNKƏNAR KONFRANSI KEÇİRİLMİŞDİR
AZƏRTAC xəbər verir ki, Yeni Azərbaycan Partiyası (YAP) Astara rayon təşkilatının növbədənkənar yeddinci konfransı keçirilmişdir.
Tədbirin iştirakçıları əvvəlcə ümummilli lider Heydər Əliyevin şəhərin mərkəzi meydanındakı abidəsi önünə gül dəstələri düzmüş, ulu öndərin xatirəsini ehtiramla yad etmişlər.
Konfransda YAP Astara rayon təşkilatının sədri Natiq İbadov hesabat məruzəsi ilə çıxış etmişdir. Məruzəçi partiya üzvlərinin rayonun ictimi-siyasi, iqtisadi, sosial və mədəni həyatında fəal iştirak etdiklərini vurğulamış, partiya üzvlərinin sayının 1200 nəfər artaraq 4800-ə çatdığını bildirmişdir. Bu ilin payızında keçiriləcək prezident seçkilərinə hazırlıq və qarşıda duran vəzifələri diqqətə çatdıran natiq, astaralıların bu seçkidə də İlham Əliyevə səs verəcəklərini vurğulamışdır.
Konfransda Rayon İcra Hakimiyyətinin başçısı Mahir Quliyev, YAP Siyasi Şurasının üzvü, Milli Məclisin deputatı Südeyif İmamverdiyev, Bakı Dövlət Universitetinin professoru Şahlar Əsgərov və başqaları çıxış edərək, YAP-ın yaradıcısı, ümummilli liderimiz Heydər Əliyevin vətən və xalq qarşısındakı əvəzolunmaz xidmətlərini yüksək qiymətləndirmiş, ulu öndərin siyasi xəttinin partiyanın sədri, Prezident İlham Əliyev tərəfindən uğurla davam etdirildiyini bildirmişlər.
Konfransda YAP-ın iyulda keçiriləcək dördüncü qurultayına 5 nəfər nümayəndə seçilmiş, Prezident İlham Əliyevə müraciət qəbul edilmişdir.
Bölmənin digər xəbərləri
