YARDIMLIDA MİLLİ QURTULUŞ GÜNÜNƏ HƏSR OLUNMUŞ TOPLANTI KEÇİRİLMİŞDİR
AZƏRTAC-ın müxbiri xəbər verir ki, Yardımlı Rayon İcra Hakimiyyətinin binasında 15 İyun - Milli Qurtuluş gününə həsr olunmuş toplantı keçirilmişdir.
İştirakçılar Heydər Əliyev parkında ümummilli liderin abidəsi önünə gül dəstələri düzmüş, ulu öndərin xatirəsini ehtiramla yad etmişlər.
Rayon icra hakimiyyəti başçısının müavini Sücaət İbişovun Milli Qurtuluş günü ilə bağlı məruzəsi dinlənilmişdir.
Çıxış edənlər ümummilli liderimiz Heydər Əliyevin ikinci dəfə siyasi hakimiyyətə qayıdışından sonra ölkəmizin ictimai-siyasi, iqtisadi, sosial və mədəni həyatında əldə olunmuş uğurlardan danışmış, bu ilin payızında ölkəmizdə keçiriləcək prezident seçkilərində Heydər Əliyev siyasi kursunun layiqli davamçısı İlham Əliyevə səs verəcəklərini bildirmişlər.
Bölmənin digər xəbərləri
