YUNESKO MUZEYLƏRİMİZİN ƏMƏKDAŞLARINA MUZEY MENECMENTİNİ ÖYRƏDƏCƏK
YUNESKO nümayəndələrinin muzeylərin problemləri barədə sualına cavab verərkən, demək olar, hamısının rəhbərləri, ilk növbədə, maddi çətinliyi qeyd etmişlər. Belə ki, binaların təmiri, eksponatların keyfiyyətlə mühafizəsi, bukletlər, kompakt-disklər buraxılması, kitabxanaların saxlanılması və ya mağazalar açılması məsələləri məhz həmin problemlə bu və ya digər dərəcədə bağlıdır.
YUNESKO-nun əməkdaşı xanım Süzann Oqqs bildirmişdir ki, beynəlxalq təşkilatın məqsədi muzeylərin idarə olunması təcrübəsini öyrətmək və Azərbaycan muzeylərinin dünya muzeylər məkanına inteqrasiyasını təmin etməkdir. İCOM-un üzvləri gələcəkdə muzeylərin ictimaiyyətlə sıx əlaqə saxlamasına böyük diqqət yetirilməsinin zəruriliyini vurğuladılar.
İCOM-un Milli Komitəsinin sədri Röya Tağıyeva AZƏRTAC-ın müxbiri ilə söhbətində dedi ki, Azərbaycanda İCOM-un şöbəsi 1993-cü ildə yaradılıbdır. Ölkəmizdə çox yaxşı muzey kolleksiyaları var, onların əməkdaşlarının təhsil səviyyəsi yüksəkdir, amma ictimaiyyətlə əlaqə hələlik zəifdir. Əhali muzeylərin kolleksiyaları ilə tanış olmalı, bu kolleksiyalar cəmiyyətə xidmət etməlidir.
İCOM-un nümayəndələri İncəsənət Muzeyində olmuşlar.
Bölmənin digər xəbərləri
