237 çoxmənzilli binanın lift təsərrüfatının maddi-texniki bazası möhkəmləndiriləcək
Bakı, 5 fevral, AZƏRTAC
12 şəhər və rayonda 237 çoxmənzilli binanın lift təsərrüfatının maddi-texniki bazası möhkəmləndiriləcək.
AZƏRTAC xəbər verir ki, Prezident İlham Əliyevin fevralın 5-də “Azərbaycan Respublikasının şəhər və rayonlarında çoxmənzilli binaların lift təsərrüfatının maddi-texniki bazasının möhkəmləndirilməsi ilə bağlı əlavə tədbirlər haqqında” Sərəncam imzalayıb.
Sərəncama əsasən, Azərbaycanın 12 şəhər və rayonunda 237 çoxmənzilli binanın lift təsərrüfatının maddi-texniki bazasının möhkəmləndirilməsi məqsədilə şəhər, rayon icra hakimiyyətlərinə 40 milyon manat ayrılıb. Həmin çoxmənzilli binalar Bakı, Gəncə, Lənkəran, Mingəçevir, Naftalan, Sumqayıt, Abşeron, Bərdə, Goranboy, Salyan, Şəmkir və Tərtərdə yerləşir.
Bölmənin digər xəbərləri
