AZƏRBAYCAN MƏDƏNİYYƏTİNİN TƏBLİĞİ MƏQSƏDİ İLƏ YENİ SAYT YARADILMIŞDIR
AZƏRTAC xəbər verir ki, Azərbaycan mədəniyyətinin və incəsənətinin tanınması və təbliği məqsədi ilə yeni www.kultura.az saytı yaradılmışdır.
Bu münasibətlə aprelin 4-də Bakı Caz Mərkəzində keçirilən mərasimdə bildirilmişdir ki, saytın yaradılmasından məqsəd mədəniyyət və incəsənət sahəsində ölkəmizdə baş verən yenilikləri dünya oxucusuna çatdırmaq və müxtəlif xalqların bu sahədəki uğurlarını vətəndaşlarımıza təqdim etməkdir. Müasir musiqimiz, gənc yazarlarımız və rəssamlarımız barədə məlumat yayacaq sayt gün ərzində bir neçə dəfə olunan yeniliklərlə də diqqəti cəlb edəcəkdir. Saytda dünyanın ən məşhur sənət adamları ilə yanaşı ölkəmizin tanınmış korifeyləri haqqında da məlumatlar yerləşdiriləcəkdir.
Rus dilində fəaliyyət göstərəcək saytın geniş imkanlara malik olması haqqında məlumat verən natiqlər onun oxucular tərəfindən maraqla qarşılanacağını vurğulamışlar.
Bölmənin digər xəbərləri
