REGİONLAR


Ağsuda indiyədək 10,8 min hektarda payızlıq taxıl əkilib

Ağsu, 5 noyabr, AZƏRTAC

Ağsu rayonunda payızlıq taxıl əkini sürətlə davam edir və bu mühüm kampaniyaya 200-ə yaxın traktor, 90-dək səpin aqreqatı cəlb olunub.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, indiyədək 10,8 min hektarda səpin aparılıb. Əkin rayonun bütün təsərrüfatlarında, xüsusilə daha çox taxıl əkilən Gəgəli, Ərəbsarvan, Növcü və bir sıra digər ərazilərdə daha mütəşəkkil aparılır. Hər yerdə torpağın hazırlanması və səpinin aqrotexniki qaydada həyata keçirilməsi diqqət mərkəzindədir. Fermerlər, torpaq mülkiyyətçiləri əkində yerli şəraitə uyğun yüksək reproduksiyalı toxumlardan istifadə edirlər.

Qeyd edək ki, taxılçılıq Ağsu rayonunda kənd təsərrüfatının aparıcı sahəsidir. Builki mövsümdə bölgədə 35,4 min hektarda payızlıq taxıl əkini gözlənilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.