DÜNYA


Angela Merkel: Pandemiyanın üçüncü dalğası ən ağır oldu

Berlin, 13 aprel, AZƏRTAC

Almaniyanın kansleri Angela Merkel COVID-19 pandemiyasının üçüncü dalğası zamanı xəstəliyə yoluxanların sayının “həddən artıq” olduğunu bildirib.

AZƏRTAC xəbər verir ki, bununla yanaşı, kansler ölkənin klinikalarındakı reanimasiya şöbələrində yüklənmənin yenidən artması barədə xəbərdarlıq edib. “Görünür, üçüncü dalğa ölkəmiz üçün ən ağır oldu”, - deyən Merkel heç cür səngimək bilməyən pandemiya ilə bağlı ölkədəki hazırkı vəziyyəti xarakterizə edib.

Federal kansler bu bəyanatını Hannoverdə beynəlxalq sənaye sərgisinin açılışında səsləndirib. O, vətəndaşları “pandemiyaya qarşı mübarizədə ən vacib silah” adlandırdığı peyvəndləməni yubatmamağa çağırıb.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.