“Bakı” İEM-də apreldə 40,3 milyon kilovat-saata yaxın elektrik enerjisi istehsal edilib
Bakı, 19 may, AZƏRTAC
“Bakı” İstilik Elektrik Mərkəzində (İEM) cari ilin aprel ayında 40,3 milyon kilovat-saata yaxın elektrik enerjisi istehsal edilib. Ötən 4 ay ərzində isə müəssisədə elektrik enerjisi istehsalı 178,3 milyon kilovat-saata yaxın olub.
“Azərenerji” ASC-nin mətbuat xidmətindən AZƏRTAC-a bildirilib ki, avadanlığın iş səmərəliliyinin artırılması, enerjinin ötürülməsi sisteminin dayanıqlı, sabit işləməsi və istismar səviyyəsinin yüksəldilməsi istiqamətində həyata keçirilmiş məqsədyönlü tədbirlər nəticəsində elektrik enerji istehsalının digər texniki göstəricilərində də yüksək nəticələr əldə edilib.
Xatırladaq ki, ümumi gücü 107 MVt olan “Bakı” İEM-də hər birinin gücü 53,5 MVt olan iki ədəd qaz-turbin qurğusu fəaliyyət göstərir.
Bölmənin digər xəbərləri
