Bakıda “Alo, bu mənəm” filmi göstərilmişdir
Bakı, 28 fevral (AZƏRTAC). Fevralın 28-də Bakıdakı Fransa İnstitutunda “Alo, bu mənəm” adlı qısametrajlı film göstərilmişdir. Film Yelena Andreyevanın eyni adlı hekayəsi əsasında çəkilmişdir. Filmin bədii rəhbəri Azərbaycanın Xalq Artisti Eldar Quliyev, ssenari müəllifi Yelena Andreyeva, quruluşçu rejissor Nonna Müzəffərova, quruluşçu operator Əli Sultanovdur. Rollarda Sonaxanım Mikayılova, Abbas Qəhrəmanov, Mətanət Abbaslı və Rafiz Mehdizadə çıxış etmişlər.
AZƏRTAC xəbər verir ki, filmdə hadisələr “qazdığı quyuya” düşən soyğunçu ətrafında cərəyan edir. “Alo, bu mənəm” filmi detektiv, komediya, mistika elementlərini özündə birləşdirir və improvizələrlə zəngindir.
Filmin rejissoru Nonna Müzəffərova qeyd etmişdir ki, bu hekayəni qarışıq janr müxtəlifliyinə görə seçmişdir. O demişdir: “Film üzərində işləmək mənim üçün çox maraqlı idi. Çəkilişlər mənə çox zövq vermişdir”.
Bölmənin digər xəbərləri
