İQTİSADİYYAT


Energetika sektorunun uzunmüddətli inkişaf Strategiyasının hazırlanmasına dair müzakirələr aparılıb

Bakı, 25 noyabr, AZƏRTAC

Energetika Nazirliyində “Azərbaycan Respublikasının energetika sektorunun uzunmüddətli inkişaf Strategiyası” layihəsinin hazırlanması məqsədilə yaradılmış Ekspertlər qrupunun ilk iclası keçirilib.

Nazirlikdən AZƏRTAC-a bildirilib ki, iclasda Avropa İttifaqının “Energetika sektorunun inkişafı məqsədilə Azərbaycan hökumətinə dəstək layihəsi”nin ilkin hesabatı təqdim edilib.

Ekspertlər qrupunun sədri, Energetika nazirinin müavini Samir Vəliyev bildirib ki, "Energetika sektorunda islahatların sürətləndirilməsi haqqında" Azərbaycan Respublikası Prezidentinin 2019-cu il 29 may tarixli Sərəncamının 1.1-ci bəndində energetika sektorunun uzunmüddətli inkişaf Strategiyası layihəsinin hazırlanması öz əksini tapıb. Bununla əlaqədar Avropa İttifaqının maliyyə dəstəyi ilə beynəlxalq məsləhətçi şirkət cəlb edilib. Məqsəd beynəlxalq enerji bazarlarının inkişaf meylləri nəzərə alınmaqla 2050-ci ilə qədər inkişaf üçün “Uzunmüddətli Enerji Strategiyası” layihəsinin hazırlanmasıdır.

İclasda məsləhətçi şirkətin nümayəndəsi Teodor Qumas tərəfindən dəstək layihəsinin hesabatı təqdim edilib. Hesabat üzrə 2020-2050-ci illəri əhatə edəcək “Uzunmüddətli Enerji Strategiyası” layihəsinin hazırlanmasının strukturu və tərkib hissələri barədə fikir mübadiləsi aparılıb, enerji sektorunda karbon tullantılarının azaldılması, enerji bazarlarının iqtisadi fəaliyyəti, təchizatın təhlükəsizliyi üzrə hədəflər diqqətə çatdırılıb. Enerji tələbatında və enerji təchizatında enerji səmərəliliyi, bərpaolunan enerji mənbələrindən istifadənin artırılması və digər strateji istiqamətləri üzrə fəaliyyət və vəzifələr nəzərdən keçirilib, ekspertlər qrupunun rəy və təklifləri dinlənilib.

İclasda İqtisadiyyat, Ekologiya və Təbii Sərvətlər, Nəqliyyat, Rabitə və Yüksək Texnologiyalar, Kənd Təsərrüfatı nazirliklərinin, Dövlət Statistika Komitəsi, SOCAR, “Azərenerji” ASC, “Azərişıq” ASC, “Azəristiliktəchizat” ASC və digər qurumların nümayəndələri iştirak edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.