CƏMİYYƏT


FHN-in Dövlət Yanğın Nəzarəti Xidməti növbəti seminar-müşavirə keçirib

Bakı, 15 iyul, AZƏRTAC

Fövqəladə Hallar Nazirliyinin (FHN) Dövlət Yanğın Nəzarəti Xidmətinin (DYNX) təşəbbüsü ilə Nəsimi Rayon İcra Hakimiyyətində “Yay mövsümündə yanğın təhlükəsizliyi tədbirləri” mövzusunda seminar-müşavirə keçirilib.

Nazirliyin mətbuat xidmətindən AZƏRTAC-a bildiriblər ki, seminar-müşavirədə FHN-in DYNX-nin şöbə rəisi daxili xidmət polkovnik-leytenantı Nazim Hacıyev, 2-ci ərazi Dövlət Yanğın Nəzarəti İdarəsinin rəisi daxili xidmət polkovnik-leytenantı İlqar Əsgərov, Nəsimi Rayon İcra Hakimiyyəti başçısının müavinləri Zahid Xəlilov və Ramiz Quliyev, Mənzil Kommunal Təsərrüfatı Birliyinin, Su-Kanal İdarəsinin, Enerji Təchizatı və Satışı İdarəsinin və Qaz İstismarı Sahəsinin və rayonun digər aidiyyəti təşkilatlarının məsul vəzifəli əməkdaşları iştirak ediblər.

Tədbirdə yay mövsümündə ümumi yanğın təhlükəsizliyi tədbirləri, xüsusilə yolkənarı və kommunikasiya xətləri keçən sahələrin quru ot və kol-kosdan təmizlənməsi, yanğına qarşı su təchizatı sistemlərinin saz vəziyyətdə saxlanılmasının vacibliyi və digər tələblər diqqətə çatdırılıb, iştirakçıları maraqlandıran suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.