İQTİSADİYYAT


Gömrük rəsmiləşdirilməsi üzrə mütəxəssislər üçün daha bir imtahan keçirilib

Bakı, 21 sentyabr, AZƏRTAC

Dövlət Gömrük Komitəsində (DGK) gömrük təmsilçiliyi fəaliyyəti ilə məşğul olan şirkətlərin gömrük rəsmiləşdirilməsi üzrə mütəxəssisləri üçün cari ildə sayca 7-ci imtahan keçirilib.

Komitənin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, imtahan prosesinə DGK-nın Baş İdarə rəisləri və aidiyyəti qurumların nümayəndələri nəzarət edib. İmtahanda iştirak edən 55 nəfər öz bilik və bacarığını sınaqdan keçirib. Bu günədək Dövlət Gömrük Komitəsinə müraciət edənlərdən 535 nəfəri imtahanlarda iştirak edib, namizədlərdən 229-u isə yüksək nəticələr qazanıb.

Qeyd edək ki, Dövlət Gömrük Komitəsi sözügedən imtahanları gömrük təmsilçiliyi institutunun formalaşdırılması və təkmilləşdirilməsi, bu sahədə fəaliyyət göstərən şəxslərin bilik və bacarıqlarının artırılması, fəaliyyətin mövcud qanunvericiliyə və beynəlxalq standartlara uyğunlaşdırılması məqsədilə həyata keçirir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.