MƏDƏNİYYƏT


“HİLTON BAKU” GƏLƏN İL İSTİFADƏYƏ VERİLƏCƏKDİR

Bakı, 11 iyul (AZƏRTAC). Paytaxtın Azadlıq prospektində (“Azərbaycan” mehmanxanasının yerində) inşa olunan “Hilton Baku” hoteli 2011-ci ildə istifadəyə veriləcəkdir

İnşası “İSR Capital İnvestments” şirkəti tərəfindən aparılan obyektdə tikinti işləri gələn ilin avqust ayında başa çatacaq və mehmanxana fəaliyyətə başlayacaqdır.

Mədəniyyət və Turizm Nazirliyindən AZƏRTAC-a bildirmişlər ki, beşulduzlu hotelin ümumi sahəsi 42160 kvadratmetr təşkil edir. Hotelin binası 25 mərtəbədən ibarət olacaqdır. Bundan əlavə, hoteldə 550 avtomobil üçün bağlı dayanacaq, restoranlar, konsert və sərgi salonları, sağlamlıq, idman və fitnes mərkəzləri, hovuz və s. inşa olunacaqdır.

Ən maraqlısı odur ki, hotelin sonuncu mərtəbəsində 360 dərəcə fırlanan və bütün Bakı şəhərinin panoramını əhatə edən bar yerləşəcəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.