Məhəmməd Muradlı müstəqil Azərbaycan tarixində 27-ci qrosmeyster olub
Bakı, 16 may, AZƏRTAC
Beynəlxalq Şahmat Federasiyası (FIDE) bir qrup şahmatçının titulunu rəsmi qaydada təsdiqləyib.
Azərbaycan Şahmat Federasiyasından AZƏRTAC-a bildiriblər ki, FIDE Azərbaycan şahmatçısı Məhəmməd Muradlını beynəlxalq qrosmeyster kimi siyahıya daxil edib. Qeyd edək ki, M.Muradlı kişi şahmatçılar arasında müstəqil Azərbaycan tarixində 27-ci qrosmeyster kimi tarixə düşüb.
Sloveniyadakı şəxsi Avropa çempionatında parlaq çıxışı ilə yadda qalan Gövhər Beydullayeva qadınlar arasında beynəlxalq qrosmeyster, Xəzər Babazadə isə beynəlxalq usta kimi qeydiyyatdan keçiblər.
Bölmənin digər xəbərləri
