CƏMİYYƏT
“Qarabağ” qəzetinin 30 yaşı tamam olur
Bakı, 25 iyun, AZƏRTAC
Qarabağ və ətraf rayonlarda baş verən hadisələrin daha dəqiq və obyektiv işıqlandırılması məqsədilə təsis edilən “Qarabağ” qəzeti 1990-cı il iyulun 1-də fəaliyyətə başlayıb.
AZƏRTAC xəbər verir ki, “Qarabağ” ilk gündən oxucularına müna-qişənin alovlandığı bütün nöqtələrdən real vəziyyət haqqında Azərbaycan və rus dillərində operativ xəbərlər çatdırıb. Dağlıq Qarabağın tarixi, mədəniyyəti, adət-ənənələri və görkəmli şəxsiyyətləri haqqında materiallar dərc edib.
Qəzetin 30 illik yubileyi ilə əlaqədar Azərbaycan Mətbuat Şurasında redaksiya kollektivi ilə görüş keçirilib, “Qarabağ”a diplom təqdim olunub.
Yubiley münasibətilə məcburi köçkün rayonlarının sakinləri və oxucularla görüş keçiriləcək.
“Qarabağ” qəzeti uzun illərdir Milli ordunun əsgərləri və məcburi köçkünlər arasında təmənnasız paylanılır.