CƏMİYYƏT


Qida Təhlükəsizliyi Agentliyində FAO-nun regional direktoru ilə görüş olub

Bakı, 21 yanvar, AZƏRTAC

Qida Təhlükəsizliyi Agentliyinin sədri Qoşqar Təhməzli BMT-nin Ərzaq və Kənd Təsərrüfatı Təşkilatının (FAO) Avropa və Mərkəzi Asiya Regionu üzrə direktoru Vladimir Raxmanin və qurumun Azərbaycandakı Tərəfdaşlıq və Əlaqələndirmə Ofisinin rəhbəri Melek Çakmak ilə görüşüb. Görüşdə Qida Təhlükəsizliyi Agentliyi ilə BMT-nin Ərzaq və Kənd Təsərrüfatı Təşkilatı ilə əməkdaşlığın inkişaf perspektivləri müzakirə olunub.

Agentliyin mətbuat xidmətindən AZƏRTAC–a verilən məlumata görə, Qoşqar Təhməzli agentliyin fəaliyyət istiqamətləri, qarşıya qoyulan hədəflər barədə məlumat verib və qida təhlükəsizliyi sahəsində həyata keçirilən tədbirlərdən danışıb və mübadilə proqramları çərçivəsində beynəlxalq təcrübənin öyrənilməsinin əhəmiyyətini vurğulayıb.

Görüş çərçivəsində FAO-nun Avropa və Mərkəzi Asiya Regionu üzrə direktoru Vladimir Raxmanin əməkdaşlığın inkişafından məmnunluğunu ifadə edib, 1995-2015-ci illərdə ölkəmizdə FAO tərəfindən 23 layihənin həyata keçirildiyi və gələcəkdə əməkdaşlığın daha da inkişaf edəcəyinə əminliyini bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.