MƏDƏNİYYƏT


Rasim Ocaqov - 70

MİLLİ KİNOMUZUN CANLI KLASSİKİ

Noyabrın 21-də “Azərbaycan” kinoteatrında Mədəniyyət Nazirliyinin və Kinematoqrafçılar İttifaqının birgə təşəbbüsü ilə görkəmli kino xadimi, xalq artisti, Dövlət mükafatları laureatı, “Şöhrət” ordenli Rasim Ocaqovun 70 illiyinə həsr olunmuş yubiley tədbiri keçirilmişdir.

Rəsmi hissədən əvvəl istedadlı kino xadiminin həyat və yaradıcılığını əks etdirən “Rasim Ocaqov” sənədli filmi nümayiş etdirilmişdir.

Kinoteatrdan AZƏRTAC-ın müxbirinə demişlər ki, tədbirdə çıxış edən natiqlər Azərbaycan kino sənətinin inkişafında aparıcı rol oynayan və ömrünün 50 ilini kinematoqrafiyaya həsr edən adlı-sanlı sənətkar Rasim Ocaqovun sənət dünyasından, kino sahəsindəki xidmətlərindən, yaratdığı dəyərli ekran əsərlərindən söhbət açmış, onun həyatından maraqlı məqamlara toxunmuşlar.

Sonra yubilyara Mədəniyyət Nazirliyinin təsis etdiyi xüsusi medal və digər ictimai yaradıcı təşkilatların qiymətli hədiyyələri və mükafatları təqdim olunmuşdur.

Axırda Kinematoqrafçılar İttifaqının katibi, xalq artisti Rasim Ocaqov çıxış edərək, onun yaradıcılığına göstərilən yüksək diqqətə görə minnətdarlığını bildirmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.