ELM VƏ TƏHSİL


Smartfonların köməyi ilə xəstəliklərin diaqnostikası aparılacaq

Bakı,16 avqust, AZƏRTAC

ABŞ-ın Vaşinqton Universitetinin kompüter texnologiyaları üzrə eksperti Şvetak Patel “Senosis Health” adlı startapını “Google” şirkətinə satıb. Yeni xidmətlə istifadəçilər evdən çıxmadan əsas müayinələrdən keçə biləcəklər.

AZƏRTAC 3dnews.ru saytına istinadla xəbər verir ki, “Senosis” və müasir smartfonlara quraşdırılmış xüsusi sensorların köməyi ilə istifadəçi ağciyərin funksiyasını və hemoqlobinin səviyyəsini müəyyən edə bilər.

Hazırda “Senosis” layihəsi üzərində Ş.Patellə birgə daha on alim işləyir. “Google”un “Senosis Health” startapını əldə etmək üçün ödədiyi məbləğ açıqlanmır.

Qeyd edək ki, Ş.Patel əvvəllər bir neçə startapını “Belkin International” və “Sears” kimi şirkətlərə satıb. 2011-ci ildə dörd alimlə birgə “Senosis Health” xidmətini yaradan alim “dahilər üçün qrant” adlandırılan Mak-Artur təqaüdünü qazanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.