® “Huawei Porsche Design Mate 20 RS” premium modeli regionda yalnız Azərbaycanda
Qlobal bazarlarda ötən ilin sonunda təqdim olunmuş və bütün dünyada maraqla qarşılanmış “Huawei” şirkətinin yeni premium smartfon modeli olan “Huawei Porsche Design Mate 20 RS”i artıq Azərbaycanda da əldə etmək mümkündür.
Hazırda regionda (Belarus Respublikası və Qafqaz ölkələri) yeganə olaraq Azərbaycanda satılan və çox məhdud sayda olan “Poersche Design Mate 20 RS” modeli eksklüziv olaraq yalnız “Baku Electronics” mağazalar şəbəkəsində təqdim olunur.
“Huawei” şirkətinin “Porsche Design” ilə əməkdaşlığı şəraitində ərsəyə gələn bu lüks model özünün texniki xüsusiyyətlərinə, incə dizaynına görə artıq üstün mövqe əldə edib.
“Porsche Design Mate 20 RS” 7 nanometr süni intellekt texnologiyasını dəstəkləyən “Kirin 980” prosessora, 6.39 düyüm 3D qövsvari “OLED HDR” displeyə (3.120 x 1.440 piksel), “Leica”dan olan 40, 20 və 8 meqapiksellik arxa və 24 meqapiksellik ön kameraya, 4200 mAh gücündə enerji blokuna, 40W “SuperCharge” sürətli enerji yığma və 15W (Wireless Quick Charge) simsiz olaraq sürətli enerji yığma imkanına, əvvəlki flaqman model “Mate 20 Pro”dan fərqli olaraq daha çox 8 GB RAM və 256 GB yaddaş yerinə sahibdir. Bu premium smartfon modeli “Mate 20 Pro”da olduğu kimi biometrik təhlükəsizlik sistemləri olan 3D üz tanıma və barmaq izi ilə telefonun kilidinin açılması xüsusiyyətlərini də saxlayıb. Lakin “Mate 20 Pro”dan fərqli olaraq “Porschde Design Mate 20 RS” premium modeli arxa hissədə kamera yerində heç bir qabarıqlığa, çıxıntıya sahib deyil. Telefon arxa hissədə yan tərəflərdən əl işi olan təbii dəri ilə örtülüb. Kameraların olduğu orta hissə isə şüşədəndir. Yan tərəflərdən dəri örtük telefonu əldə tutan zaman istifadəçiyə xüsusi bir zövq verir. Telefon arxa tərəfdə orta hissədə, həmçinin yuxarıdan aşağıyadək nazik yarış zolağını xatırladan zolaqlara da sahibdir.
Əminliklə demək olar ki, “Huawei” şirkəti özünün bu premium “Porsche Design Mate 20 RS” modeli ilə rəqəmsal dünyaya yeni bir trend və dəbdəbə gətirib.
“Huawei CBG” qrupu və məhsulları haqqında daha ətraflı məlumat:
https://www.facebook.com/HuaweimobileAZ/
Bölmənin digər xəbərləri
