ABŞ AZƏRBAYCAN ƏLYAZMALAR İNSTİTUTUNA QRANT AYIRACAQDIR
AZƏRTAC xəbər verir ki, ABŞ dövlət katibinin təhsil və mədəniyyət məsələləri üzrə köməkçisi Qoli Ameri nadir kitabların və əlyazmaların qorunması məqsədi ilə instituta qrant ayrılması, onların geniş ictimaiyyət üçün əlçatan edilməsi məsələlərini Azərbaycan Milli Elmlər Akademiyasının prezidenti Mahmud Kərimovla müzakirə etmək üçün iyunun 19-da AMEA-nın Məhəmməd Füzuli adına Əlyazmalar İnstitutunda olmuşdur. Bu işlər ABŞ səfirinin Mədəni İrsin Qorunması Fondunun proqramı çərçivəsində həyata keçirilir.
Qoli Ameri demişdir: “Bu kömək ABŞ tərəfindən Azərbaycanın mədəni irsinin dəstəkləndiyini təsdiq edir”. O vurğulamışdır ki, Azərbaycan həmin qrantı artıq iki dəfə udmuşdur. Q.Amerinin sözlərinə görə, hər il dünyanın 135 ölkəsi bu qrantı udmağa çalışır.
Əsası 2001-ci ildə qoyulmuş Fondun proqramı ABŞ Dövlət Departamentinin Təhsil və Mədəniyyət Bürosu tərəfindən həyata keçirilir. Proqramın başlıca vəzifəsi inkişaf etməkdə olan ölkələrin mədəni irsinin, o cümlədən abidələrin, nadir kitabların, rəqs, musiqi sənəti nümunələrinin, qiymətli muzey kolleksiyalarının mühafizə edilməsi işində bu ölkələrə kömək göstərməkdir.
######
 |
 |
Bölmənin digər xəbərləri
