“ABŞERON” YARDIMÇI STANSİYASININ TƏHLÜKƏSİZLİYİ ARTIRILIR
“Azərenerjı” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, hazırda “Abşeron” yardımçı stansiyasına elektrik enerjisinin daxil olmasının təmin edilməsinə dair layihə çərçivəsində stansiyanın 330 kilovoltluq açıq bölüşdürmə obyektində yenidənqurma işləri aparılır.
Xüsusən, 330 kilovoltluq piştağlar, şin komplektləri, açarlar, ayırıcılar və yeni idarəetmə panelləri quraşdırılmış, “205” yardımçı stansiyasında təmir işləri aparılmışdır.
Hazırda 100 kilovoltluq dördüncü Ramana elektrikötürmə xəttinin (EÖX) yağ açarları və şin ayırıcıları quraşdırılır.
Bundan başqa, 220 kilovoltluq birinci və ikinci Şirvan EÖX-də, habelə üçüncü və dördüncü Abşeron EÖX-də təmir işləri görülmüşdür.
Enerjı sistemi təhlükəsizliyinin artırılması məqsədilə yaxın gələcəkdə müxtəlif güclü yardımçı stansiyalarda və elektrikötürmə xətlərində əsaslı təmir işlərinin aparılması planlaşdırılmışdır.
Bölmənin digər xəbərləri
