AFFA-nın Lisenziyalaşdırma qrupunun fəaliyyəti UEFA-nın keyfiyyət standartlarına uyğundur
Bakı, 10 yanvar, AZƏRTAC
İsveçrənin SGS şirkəti 2021-ci ildə AFFA-nın Lisenziyalaşdırma qrupunun fəaliyyəti ilə bağlı apardığı yoxlamanın nəticələrini açıqlayıb.
AZƏRTAC AFFA-nın saytına istinadla xəbər verir ki, İsveçrə şirkətinin assosiasiyaya ünvanladığı təbrik məktubunda qurumun Lisenziyalaşdırma qrupunun fəaliyyətinin UEFA-nın keyfiyyət standartlarına uyğun olduğu bildirilib.
Vurğulanıb ki, Lisenziyalaşdırma qrupu 2022-2023-cü il mövsümündə Azərbaycan klublarının avrokuboklarda iştirakı ilə bağlı lisenziyalaşdırma prosesini həyata keçirmək hüququna malikdir.
Qeyd edək ki, SGS şirkəti müvafiq yoxlamaları UEFA-nın sifarişi əsasında həyata keçirir.
Bölmənin digər xəbərləri
