Azərbaycanın FIFA referisi “Roma” - “Real Madrid” oyununu idarə edəcək
Bakı, 13 oktyabr, AZƏRTAC
Azərbaycanın FIFA referisi Kamal Umudlu UEFA-dan yeni təyinat alıb.
AFFA-dan AZƏRTAC-a bildirilib ki, o, Gənclər Liqasının liqa mərhələsində keçiriləcək “Roma” (İtaliya) - “Real Madrid” (İspaniya) oyununu idarə edəcək.
Umudluya yan xətt hakimləri Namiq Hüseynov və Vüsal Məmmədov kömək edəcəklər. Dördüncü hakim funksiyasını italiyalı Davide Di Marko yerinə yetirəcək.
Oktyabrın 14-də Roma şəhərində yerləşən “Tre Fontane” stadionunda keçiriləcək görüş Bakı vaxtı ilə saat 16:00-da başlayacaq.
Bölmənin digər xəbərləri
