Avstriya kansleri Moskva ilə dialoqa hazır olduğunu bildirib
Bakı, 29 fevral, AZƏRTAC
Avstriyanın federal kansleri Karl Nehammer Rusiyanın danışıqlarda iştirakı olmadan Ukraynada sülhün əldə edilməsinin mümkünsüzlüyünü bildirib və bu məsələdə Moskva ilə dialoqa hazır olduğunu söyləyib.
AZƏRTAC Oe24 telekanalına istinadla xəbər verir ki, Karl Nehammer bu fikirləri Parisdə keçirilən Ukraynaya dəstək konfransında səsləndirib.
“Rusiya Prezidenti Vladimir Putin danışıqlar masası arxasında oturmalıdır, əks halda sülhə nail ola bilmərik”, - deyə Avstriya kansleri vurğulayıb.
Qeyd edək ki, Rusiyanın Ukraynaya qarşı müharibəyə başladığı dövrdən bəri Kiyev ilə Moskva arasında ilk danışıqlar 2022-ci il martın əvvəlində Belarusda baş tutub, lakin heç bir ciddi nəticə verməyib. Tərəflər arasında həmin il martın 29-da İstanbulda keçirilən növbəti görüş də nəticəsiz başa çatıb.
Bölmənin digər xəbərləri
