SİYASƏT
AZƏRBAYCAN RESPUBLİKASININ NAZİRLƏR KABİNETİNDƏ
Azərbaycan Respublikası Dövlət Televiziya və Radio Verilişləri Şirkətinin Maliyyə Nazirliyi, Ədliyyə Nazirliyi, Əmək və Əhalinin Sosial Müdafiəsi Nazirliyi və respublika Müəllif Hüquqları Agentliyi ilə razılaşdırılmış təklifini nəzərə alaraq Azərbaycan Respublikasının Nazirlər Kabineti qərara almışdır ki, “Müəlliflik hüququ və əlaqəli hüquqlar haqqında” Azərbaycan Respublikası Qanununun tətbiq edilməsi ilə bağlı məsələlər haqqında” Nazirlər Kabinetinin 1997-ci il 2 may tarixli 38 nömrəli qərarının 4-cü bəndində “bu qərarla” sözləri “bu qərarın 3-cü bəndində” sözləri ilə əvəz edilsin və aşağıdakı redaksiyada yeni 4-cü bənd əlavə edilsin:
“4. Televiziya və radio verilişlərinin, televiziya filmlərinin və digər televiziya və radio əsərlərinin yaradıcılarına ödənilən müəllif qonorarlarının və sair ödənilən haqların miqdarı və verilməsi Qaydaları təsdiq edilsin (9 nömrəli əlavə)”;
4-5-ci bəndlər müvafiq olaraq 5-6-cı bəndlər hesab edilmişdir.
Bu qərar imzalandığı gündən qüvvəyə minmişdir.
X X X
“Məşğulluq haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2001-ci il 9 avqust tarixli Fərmanının icrasını təmin etmək məqsədi ilə Nazirlər Kabineti qərara almışdır ki, “Haqqı ödənilən ictimai işlərin təşkili Qaydaları” təsdiq edilsin.
Bu qərar imzalandığı gündən qüvvəyə minmişdir.
Bu qərarlar barədə AZƏRTAC-a Nazirlər Kabinetinin mətbuat mərkəzindən məlumat vermişlər.
Bölmənin digər xəbərləri
