AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ
Son vaxtlar bəzi üzdəniraq müxalifət qəzetlərində dərc edilən, Azərbaycan xalqının milli-mənəvi dəyərlərinə yad olan cızma-qaralar biz səhiyyə işçilərinin dərin hiddət və qəzəbinə səbəb olmuşdur.
Zati-alinizin Azərbaycana rəhbərlik etdiyi 34 ildə gördüyü böyük işləri xalqımız yüksək qiymətləndirir. Siz müstəqil Azərbaycan dövlətinin memarı və qurucususunuz. Sizin bütün fəaliyyətiniz Azərbaycanın dövlət müstəqilliyinin əbədi olmasına, xalqımızın rifah halının durmadan yaxşılaşmasına yönəlmişdir. Demokratik və dünyəvi dəyərlərə əsaslanan dövlət quruculuğu, ölkənin beynəlxalq aləmdə nüfuzunun artması və iqtisadiyyatın dinamik inkişafı biz səhiyyə işçilərinin, habelə digər sahələrdə çalışan insanların əmək haqlarının müntəzəm olaraq artırılması, ölkəmizin əhalisinin gələcəyə ümidini daha da gücləndirir. Bütün bunları görmək istəməyən müxalifət nümayəndələrini Azərbaycan vətəndaşı adlandırmaq olarmı?
Möhtərəm cənab Prezident!
Müxalifət mətbuatında gedən üzdəniraq, mənəviyyatsız, nalayiq və heç bir əsası olmayan yazılar bizi çaşdıra bilməz. Bütün Azərbaycan xalqı kimi, səhiyyə işçiləri də öz gələcək taleyini Sizə etibar edirlər.
Biz artıq öz seçimimizi etmişik. Növbəti prezident seçkilərində bütün goranboylular kimi, biz səhiyyə işçiləri də yalnız Sizi dəstəkləyəcəyik.
Müraciət Goranboy rayon mərkəzi
xəstəxanası kollektivinin iyulun 25-də
keçirilmiş yığıncağında qəbul olunmuşdur.
Bölmənin digər xəbərləri
