Azərbaycan Turizm və Menecment Universitetinin tələbələrinin məqalələri Ukraynada çap olunub
Bakı, 29 aprel, AZƏRTAC
Azərbaycan Turizm və Menecment Universitetinin (ATMU) biznes idarəçiliyi fakültəsi marketinq kafedrasının təşkilatçılığı ilə ali məktəbin bir qrup bakalavr, magistr tələbə və doktorantının məqalələri Ukraynanın Boqdan Xmelnitski adına Çerkasi Universitetində keçirilən “Gənc elm adamlarının 21-ci elmi konfransı”nın materiallarının xüsusi buraxılışına daxil edilib.
ATMU-dan AZƏRTAC-a bildirilib ki, “Təbiət və humanitar elm sahələrinin aktual problemləri gənc elm adamlarının gözü ilə” mövzusuna həsr olunan növbəti tədbirdə Ukraynanın və əcnəbi ölkələrin gənc alimləri təmsil olunublar.
Universitetin marketinq kafedrasının müdiri, dosent Elmira Qocayeva bildirib ki, tələbələrdə akademik yazı qabiliyyətinin formalaşması, elmi tədqiqatlara marağın artırılması baxımından beynəlxalq konfranslarda məqalə və məruzələrlə təmsilçilik hüququnun tanınması və sertifikatlarla təltifi istedadlı gəncləri bu istiqamətdə fəaliyyətə səfərbər edir.
Bölmənin digər xəbərləri
