AZƏRBAYCAN VƏ BELARUS ARASINDA ƏLAQƏLƏRİN DAHA DA İNKİŞAFI ÜÇÜN GENİŞ İMKANLAR VARDIR
AZƏRTAC xəbər verir ki, bu fikir iyunun 18-də Milli Məclisin sədri Oqtay Əsədovun Belarus Nümayəndələr Palatasının sədri Vadim Popov ilə görüşündə səslənmişdir.
Oqtay Əsədov Azərbaycan Parlamentinin 90 illik yubileyi ilə əlaqədar tədbirdə iştirak barədə dəvəti qəbul etdiyinə görə belaruslu həmkarına təşəkkürünü bildirmişdir. Milli Məclisin sədri Azərbaycan-Belarus əlaqələrinin müxtəlif sahələr üzrə sürətlə inkişaf etdiyini söyləmişdir. O, ölkələrimiz arasında əlaqələrin inkişafında Prezident İlham Əliyevin və Prezident Aleksandr Lukaşenkonun qarşılıqlı səfərlərinin mühüm rol oynadığını diqqətə çatdırmışdır.
Azərbaycan və Belarus əlaqələrinin inkişafı istiqamətində parlamentlərarası əməkdaşlığın əhəmiyyətini vurğulayan spiker Vadim Popov bildirmişdir ki, ölkələrimiz arasında iqtisadi, ticari əlaqələrin daha da inkişafı üçün geniş imkanlar vardır və biz bundan lazımınca yararlanmalıyıq.
######
Bölmənin digər xəbərləri
