Azərbaycan və Türkiyə tələbələri arasında marketinq sahəsində təcrübə mübadiləsi aparılıb
Bakı, 16 mart, AZƏRTAC
Azərbaycan Turizm və Menecment Universitetinin (ATMU) və Türkiyənin Kapadokya Universitetinin tələbələri arasında “Turizm marketinqi üzrə dünya təcrübəsi” mövzusunda veb-seminar keçirilib.
ATMU-dan AZƏRTAC-a bildirilib ki, seminarın əsas məqsədi marketinqin əsasları fənni üzrə biliklərin daha dərindən mənimsənilməsi üçün təcrübə mübadiləsinin aparılması olub.
Seminarda ATMU-nun turizm və qonaqpərvərlik fakültəsinin dekanı Rəhman Səfərov, dekan müavini Flora Ələsgərova, biznes idarəçiliyi fakültəsinin dekanı Anar Mirzəyev, menecment kafedrasının müdiri İsrayıl İsgəndərov və marketinq kafedrasının müdiri Anar Eminov iştirak ediblər.
Tədbirdə ATMU-nun müəllimi Aqil Vəliyev və Kapadokya Universitetinin professoru Kurtuluş Karamustafa təqdimatlarla çıxış ediblər.
Qeyd edək ki, tədbirdə hər iki ali təhsil müəssisəsinin tələbələri tərəfindən ingilis dilində hazırlanan təqdimatlar iştirakçılar tərəfindən maraqla qarşılanıb.
Bölmənin digər xəbərləri
