AZƏRBAYCANDA “YENİ RUSİYA KİNOSU” GÜNLƏRİ BAŞLANMIŞDIR
Noyabrın 18-də Azərbaycanda “Yeni Rusiya kinosu” günləri başlanmışdır.
Bu münasibətlə Rusiya mədəniyyət nazirinin birinci müavini Denis Molçanovun başçılığı ilə respublikamıza gəlmiş nümayəndə heyətinin iştirakı ilə “Nizami” kinoteatrında təntənəli açılış mərasimi olmuşdur.
Respublikanın mədəniyyət naziri Polad Bülbüloğlu mərasimdə çıxış edərək ölkəmizdə kino sənəti sahəsində əldə olunmuş uğurlardan, Azərbaycan və Rusiya kinematoqrafçılarının əlaqələrindən danışdı, dövlətimizin başçısı Heydər Əliyevin salamını qonaqlara çatdırdı.
Denis Molçanov ölkələrimizin kino sahəsindəki əlaqələrinin əhəmiyyətini vurğuladı və bunu gələcəkdə daha da inkişaf etdirməyin zəruriliyini bildirdi .
Rusiya Federasiyasının Bakıdakı fövqəladə və səlahiyyətli səfiri Nikolay Ryabov Rusiya-Azərbaycan əlaqələrinin genişləndirilməsində Azərbaycan Prezidenti Heydər Əliyevin rolunu yüksək dəyərləndirdi.
Sonra rejissor Nikolay Lebedevin “Ulduz” filmi nümayiş etdirildi.
“Yeni Rusiya kinosu” günləri noyabrın 21-də başa çatacaqdır.
Bölmənin digər xəbərləri
